ລ່ອງເຮືອວັດພູ
ໃນເບື້ອງຕົ້ນ, ເຮືອລຳນີ້ເປັນເຮືອທີ່ໃຊ້ບັນທຸກໄມ້ສັກລະຫວ່າງວຽງຈັນແລະພາກໃຕ້ຂອງລາວ, ໃນປີ 1993, ເຮືອວັດພູໄດ້ຖືກດັດແປງໃຫ້ກາຍມາເປັນໂຮງແຮມເຮືອລອຍນໍ້າທີ່ຫຼູຫຼາ ທີ່ລ່ອງໄປຕາມແມ່ນ້ຳຂອງ. ເຮືອວັດພູມີຄວາມຍາວ 34 ແມັດ, ກວ້າງ 7,5 ແມັດ, ຕິດຕັ້ງເຄື່ອງຈັກດີເຊລ ອີຊູຊູ ຄວາມແຮງ 260ແຮງມ້າ ຈຳນວນ 2ເຄື່ອງ.
ການອອກແບບດັ່ງກ່າວຍັງຄົງຮັກສາລັກສະນະຂອງຄວາມເປັນຕາເວັນອອກຢ່າງຊັດເຈນ ແລະ ຊ່ວຍໃຫ້ທ່ານໄດ້ຜ່ອນຄາຍຢ່າງສະດວກສະບາຍໃນເວລາທີ່ທ່ານລ່ອງເຮືອໄປຕາມແມ່ນໍ້າຂອງ, ທ່ານຈະໄດ້ເພີດເພີນໄປກັບທິວທັດທຳມະຊາດທີ່ງົດງາມ, ໄດ້ພັກຜ່ອນຢ່າງສະບາຍໃຈ ແລະ ມີເວລາຢູ່ກັບຕົນເອງ.
ພວກເຮົາມີພະນັກງານ 14 ຄົນໃນການເດີນທາງລ່ອງເຮືອໄປຕາມແມ່ນໍ້າຂອງໃນແຕ່ລະຄັ້ງ, ເຊິ່ງລວມມີ: ຄົນຂັບເຮືອ 2 ຄົນ, ຊ່າງແປງເຮືອ 2 ຄົນ, ພໍ່ຄົວ 2 ຄົນ, ພະນັກງານເຮັດຄວາມສະອາດ 3 ຄົນ ແລະ ບາຣ໌ 5 ຄົນ ຫຼື ພະນັກງານລໍຖ້າ. ນອກຈາກນີ້ ພວກເຮົາຍັງມີໄກ້ນຳທ່ຽວທີ່ສາມາດເວົ້າພາສາອັງກິດ ແລະ ພາສາໄທ ເຊິ່ງຈະສາມາດຕອບຄຳຖາມທີ່ທ່ານສົງໃສ ແລະ ຊ່ວຍແນະນຳຈຸດທ່ອງທ່ຽວທີ່ໜ້າສົນໃຈຕ່າງໆໃນລະຫວ່າງທາງໃຫ້ກັບທ່ານໄດ້.
ເທິງເຮືອວັດພູເປັນເຮືອ 2ຊັ້ນ, ຊັ້ນທຳອິດມີຫ້ອງພັກ 10ຫ້ອງ, ມີຫ້ອງຄົວ, ຫ້ອງວາງສະແດງຮູບພາບ ແລະ ຫ້ອງອາຫານທີ່ທ່ານສາມາດກິນເຂົ້າ ແລະ ຊົມວິວໄດ້ໃນເວລາດຽວກັນ. ສ່ວນຊັ້ນທີ່ສອງເປັນຊັ້ນດາດຟ້າ ມີຫ້ອງພັກ 2ຫ້ອງ, ມີບາຣ໌ ແລະ ຊັ້ນດາດຟ້າຂະໜາດໃຫຍ່ສອງຊັ້ນແບບເປີດໂລ່ງ - ຢູ່ປາຍເຮືອທັງສອງດ້ານ. ເຮືອດັ່ງກ່າວໄດ້ຕິດຕັ້ງລະບົບຮັກສາຄວາມປອດໄພໄວ້ເປັນຢ່າງດີ ຕາມມາດຕະຖານສາກົນ.
ທາງດ້ານໜ້າຂອງເຮືອຊັ້ນທີ່ສອງມີ: ຕັ່ງຫວາຍ, ໂຊຟາ, ໂຕະກາເຟ ແລະ ຫ້ອງຮັບແຂກ. ພື້ນທີ່ນີ້ເໝາະສຳລັບຄົນທີ່ຢາກນອນອ່ານໜັງສື, ຖ່າຍຮູບການໃຊ້ຊີວິດຕາມແມ່ນ້ຳ ຫຼື ສຳລັບຄົນທີ່ຢາກນອນພັກຜ່ອນ ຮັບລົມເຢັນໆໃນເວລາກາງເວັນ.
ທາງດ້ານຫຼັງຂອງຊັ້ນທີ່ສອງມີ: ຕັ່ງ, ໂຊຟາ ແລະ ໂຕະກາເຟ. ນອກຈາກນີ້ຍັງມີພື້ນທີ່ສຳລັບບາຣ໌ ທີ່ພະນັກງານສາມາດໃຫ້ບໍລິການເຄື່ອງດື່ມຕ່າງໆຟຣີ ບໍ່ວ່າຈະເປັນກາເຟ ຫຼື ນ້ຳດື່ມເຊິ່ງລວມຢູ່ໃນການລ່ອງເຮືອຄັ້ງນີ້. ທ່ານຍັງສາມາດຊື້ເບຍ, ເຄື່ອງດື່ມນ້ຳອັດລົມຕ່າງໆ, ເຫຼົ້າວາຍ (Wine) ແລະ ເຫຼົ້າຕ່າງໆ ໂດຍປົກກະຕິຈະໃຫ້ບໍລິການອາຫານເຊົ້າ ແລະ ອາຫານສວາຍພ້ອມວິວທິວທັດທຳມະຊາດ ແລະ ແສງຕາເວັນທີ່ຕົກກະທົບໃສ່ແມ່ນ້ຳ.
ຫ້ອງພັກຂອງເຮືອວັດພູ
ເຮືອວັດພູມີຫ້ອງພັກຕຽງຄູ່ທີ່ສວຍງາມ 12ຫ້ອງ, ແຕ່ລະຫ້ອງຈະເຫັນທິວທັດທີ່ສວຍງາມຂອງແມ່ນ້ຳຂອງທາງຕອນໃຕ້ຂອງປະເທດລາວ. ຫ້ອງພັກທຸກຫ້ອງມີແອເຢັນປັບອາກາດ ແລະ ພັດລົມ. ຫ້ອງພັກຈະມີໂຕະແຕ່ໜ້າສຳລັບຜູ້ຍິງ ແລະ ຕູ້ເສື້ອຜ້າເພື່ອໃຫ້ທ່ານສາມາດເກັບມ້ຽນເສື້ອຜ້າໄດ້ຢ່າງງ່າຍດາຍ, ມີຫ້ອງນ້ຳສ່ວນຕົວ (ມີນ້ຳອຸ່ນ) ແລະ ຫ້ອງນ້ຳແບບຕາເວັນຕົກເພື່ອຄວາມສະດວກສະບາຍຂອງລູກຄ້າ. ຫ້ອງພັກທີ່ເຮືອວັດພູຈະມີພະນັກງານເຮັດຄວາມສະອາດໃຫ້ທຸກມື້.
ມີເສື້ອຊູຊີບໃຫ້ເລືອກຫຼາຍຂະໜາດ ສຳລັບເດັກນ້ອຍ ແລະ ຜູ້ໃຫຍ່.
ພາບລວມ
ລ່ອງເຮືອໃນ “ Mother of Waters” ສູ່ “4000 ດອນ” ຜ່ານວັດພູ, ໂຮງແຮມໄມ້ສັກທີ່ລອຍນ້ຳໄດ້ສະດວກສະບາຍທີ່ສຸດໃນພາກໃຕ້ຂອງປະເທດລາວມີ 12 ຫ້ອງ, ເຊິ່ງແຕ່ລະຫ້ອງມີຕຽງຄູ່ ຫຼື ຕຽງດ່ຽວ ແລະ ຫ້ອງນ້ຳສ່ວນຕົວພ້ອມກັບລະບົບເຄື່ອງອາບນ້ຳອຸ່ນ ແລະ ນ້ຳເຢັນ. ຫ້ອງອາຫານເທິງເຮືອມີອາຫານໄວ້ຄອຍບໍລິການເຊັ່ນ: ອາຫານລາວ, ຫວຽດນາມ ແລະ ໄທ. ເບຍ, ວາຍ ແລະ ເຄື່ອງດື່ມຕາມສັ່ງອີກດ້ວຍ.
ຈຸດເດັ່ນຂອງການທ່ອງທ່ຽວ
ວັດພູ ບໍລິການລ່ອງເຮືອໃນແມ່ນ້ຳຂອງ ເປັນການເດີນທາງທີ່ເລີ່ມຕົ້ນ ແລະ ສິ້ນສຸດໃນເມືອງປາກເຊ, ທັງລ່ອງເຮືອຂາລົງ ແລະ ຂາຂຶ້ນ. ທ່ຽວຊົມຊາກຫັກພັງຂອງວັດພູ ເຊິ່ງໄດ້ຮັບການແຕ່ງຕັ້ງໃຫ້ເປັນ ມໍລະດົກໂລກ ໂດຍອົງການ ຢູເນສໂກ້ທີ່ນະຄອນຈຳປາສັກ, ຊາກຫັກພັງ ແລະ ວັດປ່າທີ່ລຶກລັບທີ່ເອີ້ນວ່າ 'ອຸມົງ' ທີ່ບ້ານຖະໂມ, "4000 ດອນ" ດອນທີ່ມີແມ້ນ້ຳຄົດລ້ຽວ ແລະ ນ້ຳຕົກຕາດຄອນພະເພັງທີ່ຕັ້ງຢູ່ຊາຍແດນລາວ - ກຳປູເຈຍ.
ສິ່ງທີ່ລວມຢູ່ໃນທົວ
- ຂີ່ເຮືອ 3 ວັນພ້ອມຄ່າຈອດລົດ ແລະ ຄ່າເຂົ້າຊົມຢູ່ສະຖານທີ່ຕ່າງໆທີ່ບໍລິການ.
- ທີ່ພັກ 2 ຄືນໃນເຮືອ
- ອາຫານຕາມທີ່ກ່າວໄວ້ໃນທົວ
- ກາເຟ, ຊາ ແລະ ນ້ຳດື່ມໃນເຮືອ ແລະ ໃນເວລາກິນເຂົ້າ
- ການບໍລິການເທິງເຮືອ
ການແນະນຳໃນການນຸ່ງຖື
- ເສື້ອຜ້າ ແລະ ເກີບສະບາຍໆ
ສິ່ງທີ່ຄວນເອົາມາ
- ເຄື່ອງໃຊ້ສ່ວນຕົວທັງໝົດ
- ເຄື່ອງໃຊ້ໃນຫ້ອງນ້ຳ
- ຄີມກັນແດດ
- ກ້ອງ
- ໝວກ
- ແວ່ນຕາກັນແດດ
ສິ່ງທີ່ຄວນຮູ້
ສິ່ງທີ່ບໍ່ລວມໃນໂປຮແກມລ່ອງເຮືອ:
- ບໍລິການຮັບສົ່ງຈາກໂຮງແຮມ ຫລື ສະໜາມບິນສາກົນປາກເຊ ເຖິງທ່າເຮືອທີ່ປາກເຊ
- ນ້ຳອັດລົມ ແລະ ເຄື່ອງດື່ມແອນກໍຮໍ ໃນເວລາເດີນທາງ
- ປະກັນໄພສ່ວນຕົວ ແລະ ລາຍຈ່າຍສ່ວນຕົວອື່ນໆ
ຫມາຍເຫດ
- ລາຄາທີ່ລະບຸໄວ້ນັ້ນແມ່ນການເຂົ້າພັກສຳລັບແຂກທີ່ເຂົ້າພັກເປັນຄູ່. ອາດຈະມີຄ່າທຳນຽມເພີ່ມຕື່ມສຳຄັບຄົນທີ່ເດີນທາງຄົນດຽວ ຫຼື ຈຳນວນຄີກ.
- ດ້ວຍເຫດຜົນທາງດ້ານຄວາມປອດໄພ ແລະ ຕາມສະພາບອາກາດ ໂປຮແກມອາດຈະມີການປ່ຽນແປງໂດຍບໍ່ໄດ້ແຈ້ງລ່ວງໜ້າ.
- ການທ່ຽວຊົມເປັນພຽງຄຳແນະນຳໃນການທ່ຽວເທົ່ານັ້ນ. ທັງນີ້ທັງນັ້ນຂຶ້ນຢູ່ກັບໄລຍະເວລາຂອງໂປຮແກມຂອງເຮົາ ແລະ ການຈັດການຂອງທ່ານເອງ.
- ເດັກນ້ອຍທີ່ມີອາຍຸ 2-12ປີ ຈະໄດ້ຫຼຸດລາຄາ 50% ຖ້າພັກຫ້ອງລວມນຳພໍ່ແມ່. ແອນ້ອຍ (ອາຍຸຕ່ຳກວ່າ 2ປີ) ແມ່ນຟຮີ. ແຜນການລ່ອງເຮືອສາມາດປ່ຽນແປງ ຫຼື ລ່ອງກັບໄດ້ໂດຍບໍ່ຕ້ອງແຈ້ງໃຫ້ຮູ້ລ່ວງໜ້າ.
