ເບື້ອງຫຼັງເມືອງທີ່ສວຍງາມຂອງໜອງຂຽວ ແລະ ຊີວິດທີ່ສະຫງົບສຸກມີປະຫວັດສາດອັນແສນເຈັບປວດຝັງຢູ່. ໜອງຂຽວໄດ້ຮັບຜົນກະທົບຫຼາຍທີ່ສຸດຈາກສົງຄາມລັບເຊິ່ງເລີ່ມຈາກປີ 1964 ແລະ ສິ້ນສຸດລົງໃນປີ 1973. ໃນລະຫວ່າງການເກີດສົງຄາມຄັ້ງນີ້, ສະຫະລັດອາເມລິກາໄດ້ຖິ້ມລະເບີດໃສ່ພາກເໜືອຂອງປະເທດລາວເປັນຈຳນວນມະຫາສານ. ການສຳຫຼວດໜອງຂຽວໂດຍບໍ່ມີໄກ້ທ້ອງຖິ່ນເປັນເລື່ອງທີ່ອັນຕະລາຍຫຼາຍເພາະວ່າຍັງລະເບີດບໍ່ທັນແຕກແຈກຢາຍກັນຢູ່ພາກເໜືອຂອງປະເທດລາວ ເຊິ່ງນັບເປັນ 1/3 ຂອງ 2 ລ້ານໂຕນ. ຈົນເຖິງທຸກມື້ນີ້, ຊາວບ້ານ ແລະ ນັກທ່ອງທ່ຽວບາງຈຳນວນຍັງໄດ້ຮັບຜົນກະທົບຈາກຈາກລະເບີດທີ່ບໍ່ທັນແຕກ.

ໜອງຂຽວມີ 3 ລະດູຄື:

- ເຢັນແຫ້ງ (ຕັ້ງແດ່ເດືອນພະຈິກ ຫາ ເດືອນກຸມພາ): ໃນຊ່ວງນີ້ອຸນຫະພູມສະເລ່ຍປະມານ 23 ອົງສາ ແລະເພີ່ມຂຶ້ນຈົນເຖິງທ້າຍລະດູໜາວ. ແຕ່ອຸນຫະພູມອາດຈະຫຼຸດລົງເຖິງ 14 ອົງສາ ແລະ ສູງເຖິງ 31 ອົງສາ. ຢ່າລືມວ່າອຸນຫະພູມຈະຫຼຸດລົງຢ່າງໄວວາຫຼັງຈາກຕາເວັນຕົກດິນ ດັ່ງນັ້ນຄວນໃສ່ເສື້ອຜ້າທີ່ໃຫ້ຄວາມອົບອຸ່ນແກ່ຮ່າງກາຍ. ຊ່ວງເວລານີ້ ເປັນເວລາທີ່ດີທີ່ສຸດທີ່ຈະໄປທ່ຽວຊົມໜອງຂຽວເນື່ອງຈາກສະພາບອາກາດທີ່ເຢັນສະບາຍ.

- ຮ້ອນແຫ້ງ (ຕັ້ງແດ່ເດືອນມີນາ ຫາ ເດືອນເມສາ): ໃນຊ່ວງນີ້ອຸນຫະພູມສະເລ່ຍປະມານ 30.5 ອົງສາ. ອຸນຫຫະພູມອາດຈະສູງເຖິງ 36 ອົງສາ ໂດຍສະເພາະໃນເດືອນເມສາ ແລະ ອຸນຫະພູມຈະຫຼຸດລົງຕ່ຳສຸດແມ່ນ 17 ອົງສາ. ເຮັດໃຫ້ເປັນລະດູສົມບູນແບບທີ່ສຸດໃນການໄປທ່ຽວນ້ຳຕົກທີ່ສົດຊື່ນ ແລະ ສວຍງາມໃນລະຫວ່າງທີ່ທ່ານຍ່າງປ່າໄປຕາມນ້ຳຕົກຕາດຮ້ອຍ.

- ລະດູຝົນ (ຕັ້ງແດ່ເດືອນພຶດສະພາ ຫາ ເດືອນຕຸລາ): ໃນຊ່ວງນີ້ອຸນຫະພູມສະເລ່ຍປະມານ 27 ອົງສາ. ອຸນຫະພູມອາດຈະສູງເຖິງ 35 ອົງສາໃນຊ່ວງຕົ້ນລະດູ ແຕ່ອາກາດຈະເຢັນລົງເມື່ອເຂົ້າໃກ້ລະດູໜາວ.ອຸນຫະພູມອາດຈະຫຼຸດລົງເຖິງ 16 ອົງສາ ຄາດວ່າຈະມີຝົນຕົດຕະຫຼອດລະດູ ແລະ ຝົນຈະຕົກໜັກຫຼາຍທີ່ສຸດໃນເດືອນກໍລະກົດ ຫາ ເດືອນສິງຫາ. ແນະນຳໃຫ້ທ່ານພົກຄັນຮົ່ມ ຫຼື ເສື້ອກັນຝົນໄປນຳ ແລະ ລະມັດລະວັງເປັນພິເສດເມື່ອທ່ານຍ່າງປ່າ ເພາະເສັ້ນທາງອາດຈະເປັນຕົມ - ບວກ ແລະ ມື່ນ.

ການຂົນສົ່ງຈາກແຂວງອື່ນໆໄປໜອງຂຽວ

ການຂົນສົ່ງຈາກໜອງຂຽວໄປແຂວງອື່ນໆ

ຕາຕະລາງການເດີນເຮືອ (ອາດຈະມີການປ່ຽນແປງ)

ການເດີນທາງອ້ອມຮອບໜອງຂຽວ

ເຖິງແມ່ນວ່າໜອງຂຽວເປັນເມືອງນ້ອຍໆ ແລະ ສາມາດເຂົ້າເຖິງໄດ້ງ່າຍໂດຍການຍ່າງ. ລົດຖີບ ແລະ ລົດຈັກກໍ່ສາມາດເດີນທາງໄປອ້ອມຮອບເມືອງໄດ້ ແລະ ສ່ວນໃຫຍ່ສາມາດເຊົ່າໄດ້ຕາມບ້ານພັກ. ແນະນຳໃຫ້ເຊົ່າລົດຈັກຫາກທ່ານຕ້ອງການທ່ຽວຊົມເຂດນອກຂອງເມືອງ.