ໃນວັນທີ 16 ກຸມພາ 2022, ສຳນັກງານສະຖານທູດການາດາ, AustCham, Civitas, ສະພາການຄ້າ ແລະ ອຸດສາຫະກຳເອີຣົບ, ສະຫະພາບເອີຣົບ, LNCCI ແລະ ກຸ່ມທຸລະກິດອັງກິດປະຈຳ ສປປ ລາວ ໄດ້ຈັດພິທີເປີດຕົວງານ Lao CSR Awards ພ້ອມດ້ວຍພິທີມອບລາງວັນໂດຍ ສະຖານທູດອັງກິດ ປະຈຳຢູ່ລາວ. Lao CSR Awards ເປັນການຍົກຍ້ອງບັນດາບໍລິສັດທີ່ຖືມາດຕະຖານສູງທີ່ສຸດຂອງການດຳເນີນທຸລະກິດຢ່າງມີຄວາມຮັບຜິດຊອບ ໃນຍຸດທະສາດຂອງບໍລິສັດ, ວຽກງານປະຈໍາວັນ ແລະ ກິດຈະກໍາ CSR ຂອງບໍລິສັດດັ່ງກ່າວ ສາມາດເປັນແບບຢ່າງໃຫ້ແກ່ຊຸມຊົນທຸລະກິດລາວໃນວົງກວ້າງ.
ອົງກອນຮັບຜິດຊອບຕໍ່ສັງຄົມ ຫລື (CSR) ເປັນຫົວຂໍ້ທີ່ມີການໂອ້ລົມກັນທົ່ວໂລກ ແລະ ທຸລະກິດຕ່າງໆມີແນວໂນ້ມທີ່ຈະເຊື່ອມໂຍງອົງກອນ CSR ເຂົ້າໃນຈຸດປະສົງຍຸດທະສາດຂອງພວກເຂົາ. ການລາຍງານຄວາມຍືນຍົງຍັງບໍ່ທັນເປັນຂໍ້ບັງຄັບຢູ່ໃນ ສປປ ລາວ ແຕ່ມີບາງບໍລິສັດລາຍງານດ້ວຍຄວາມສະໝັກໃຈໃນການປະຕິບັດດ້ານສັງຄົມ ແລະ ສິ່ງແວດລ້ອມ ຫຼື ແມ້ກະທັ້ງການລວມເອົາຂໍ້ລິເລີ່ມຂອງ CSR ເຂົ້າໃນຍຸດທະສາດ ແລະ ການເຄື່ອນໄຫວວຽກງານປະຈໍາວັນ.
ຫົວຂໍ້ຂອງ Lao CSR Awards ປີນີ້ ແມ່ນ “ຄວາມເປັນເລີດດ້ານສິ່ງແວດລ້ອມ” ແລະ ຜູ້ເຂົ້າຮອບສຸດທ້າຍໄດ້ສະທ້ອນໃຫ້ເຫັນເຖິງວິທີການປະສົມປະສານຄວາມເປັນຢູ່ທີ່ດີດ້ານສິ່ງແວດລ້ອມເຂົ້າກັບຄວາມພະຍາຍາມໃນຄວາມຮັບຜິດຊອບຕໍ່ສັງຄົມຂອງອົງກອນໃນອຸດສາຫະກໍາຕ່າງໆທີ່ຫຼາກຫຼາຍ.
ຜູ້ຊະນະລາງວັນ CSR Awards ເປັນຄັ້ງທຳອິດຂອງ ສປປ ລາວ ໃນ 2 ປະເພດໄດ້ແກ່: ໂຮງແຮມ Angsana Maison Souvannaphoum ຫລວງພະບາງ ໃນປະເພດທຸລະກິດຂະໜາດໃຫຍ່ ແລະ ບໍລິສັດທ່ອງທ່ຽວອອນລາຍ ດິສໂຄເວີລາວ ທູເດ ໃນປະເພດ SME.
Angsana Maison Souvannaphoum ເປັນໂຮງແຮມບູຕິກທີ່ຫຼູຫຼາຕັ້ງຢູ່ໃຈກາງເມືອງຫຼວງພະບາງ ດ້ວຍຄຳຂວັນທາງທຸລະກິດທີ່ວ່າ “ໂອບກອດສິ່ງແວດລ້ອມ, ພ້ອມເພີ່ມພະລັງໃຫ້ຜູ້ຄົນ”. ໂຮງແຮມເຊື່ອວ່າຄວາມຍືນຍົງມີຫຼາຍກວ່າການປົກປ້ອງສິ່ງແວດລ້ອມເພື່ອສ້າງຜົນກະທົບທາງບວກໃນຊຸມຊົນ. ໂຮງແຮມມີການລິເລີ່ມຄວາມຮັບຜິດຊອບຕໍ່ສັງຄົມຫຼາຍຢ່າງລວມທັງການອະນາໄມປະຈໍາເດືອນໃນຊຸມຊົນທ້ອງຖິ່ນກັບ "Trash Idol", ການປູກຕົ້ນໄມ້, ຄວາມມຸ່ງຫມັ້ນທີ່ຈະຫຼຸດຜ່ອນການໃຊ້ພາດສະຕິກ ແລະ ບົດລາຍງານຄວາມຍືນຍົງປະຈໍາປີທີ່ມີມາດຕະຖານສະເພາະສໍາລັບປີຕໍ່ໄປ.
Discover Laos Today ເປັນບໍລິສັດທ່ອງທ່ຽວທີ່ໄດ້ຮັບອະນຸຍາດຢູ່ໃນແຂວງ ຫຼວງພະບາງ. ດ້ວຍປະສົບການຫຼາຍກວ່າ 10 ປີໃນຂະແໜງການທ່ອງທ່ຽວ. ທີມງານຢູ່ບໍລິສັດ ດິສໂຄເວີລາວ ທູເດ ແມ່ນປະກອບໄປດ້ວຍຜູ້ທີ່ມັກຮັກໃນການເດີນທາງ, ຜູ້ທີ່ສະແຫວງຫາຄວາມຕື່ນເຕັ້ນ, ຜູ້ທີ່ຫລົງໄຫລການຖ່າຍຮູບ ແລະ ຜູ້ຊ່ຽວຊານດ້ານການພັກຜ່ອນ, ການຜະຈົນໄພ ແລະ ການຄົ້ນພົບສິ່ງໃໝ່ໆ. ບໍລິສັດ ດິສໂຄເວີລາວ ທູເດ ໄດ້ມີສ່ວນຮ່ວມຢ່າງຫຼວງຫຼາຍໃນການປົກປ້ອງພັນເຕົ່າທີ່ໃກ້ຈະສູນພັນຂອງລາວ ໂດຍຜ່ານວຽກງານຂອງຕົນໃນການສ້າງ ແລະ ສະໜອງທຶນໃຫ້ແກ່ເຂດປົກປ້ອງ. ຢູ່ທີ່ນັ້ນ, ເຕົ່າແມ່ນໄດ້ຮັບການປົກປ້ອງຈາກການຄ້າສັດປ່າ ແລະ ເພາະພັນເພື່ອໃຫ້ແນ່ໃຈວ່າພວກມັນສາມາດຢູ່ລອດ.
ເຕົ່າໄດ້ຮັບການດູແລໂດຍນັກເພາະພັນສັດນ້ຳ ທີ່ມີຊື່ສຽງລະດັບໂລກ ທ່ານ Nathanael Maury, ເຊິ່ງເພາະພັນເຕົ່າໃນບ່ອນທີ່ອອກແບບມາເປັນພິເສດໃນເຂດຊານເມືອງຂອງນະຄອນຫຼວງວຽງຈັນ.
ທີ່ມາ: Vientiane Times
#laopdrsnapshot
