ພາບລວມ
ທົວອອກເດີນທາງເວລາ 09:00 ໂມງ ຈາກວັງວຽງດ້ວຍລົດສອງແຖວ. ພວກເຮົາຈະໄດ້ຂັບຂຶ້ນໄປທາງເໜືອອີກປະມານ 10 ກິໂລ ຮອດບ້ານວຽງສະໄໝ ບ່ອນທີ່ເປັນຈຸດເລີ່ມຕົ້ນພາຍເຮືອກາຍັກ. ໄກ້ຂອງເຮົາຈະໃຫ້ຄຳແນະນຳກ່ອນທີ່ເຮົາຈະພາຍເຮືອກາຍັກລ່ອງໄປຕາມແມ່ນ້ຳຊອງ, ມີແກ້ງນ້ອຍໆຫຼາຍໃນຂະນະທີ່ເຮົາເພີດເພີນໄປກັບທິວທັດທຳມະຊາດອັນແສນງົດງາມຂອງຫີນໜາມໜໍ່ຕາມທາງໄປຖ້ຳນອນ. ຖ້ຳນອນເປັນຖ້ຳສຳຄັນທີ່ຜູ້ຄົນໃຊ້ລີ້ໄພໃນສະໄໝສົງຄາມອິນໂດຈີນ. ເຮົາຈະໄປສຳຫຼວດຫີນຍ້ອຍທີ່ສວຍງາມໃນຖ້ຳນີ້ໂດຍການຂີ່ກົງເບັງລອດຖ້ຳ. ຫຼັງຈາກນັ້ນເຮົາກໍ່ຈະເພີດເພີນໄປກັບອາຫານທ່ຽງກັບທິວທັດທຳມະຊາດອ້ອມຮອບຜານອນ. ຫຼັງຈາກຮັບປະທານອາຫານທ່ຽງແລ້ວ, ໄກ້ຈະແນະນຳການຂີ່ສະລິງ ແລະ ທ່ານກໍ່ພ້ອມຈະອອກເດີນທາງ! ທ່ານຈະໄດ້ຂີ່ສະລິງ 1,350 ແມັດ (7 ເສັ້ນ, 2 ຂົວ) ເໜືອປ່າຮອບໆຜານອນ. ເຮົາຈະຈົບການເດີນທາງດ້ວຍການພາຍເຮືອກາຍັກກັບໄປທີ່ຕົວເມືອງວັງວຽງ.
ສິ່ງທີ່ລວມຢູ່ໃນທົວ
- ບໍລິການຮັບ-ສົ່ງ
- ອາຫານທ່ຽງ
- ຖົງກັນນ້ຳ
- ໄກ້ທີ່ເວົ້າພາສາອັງກິດ
- ຄ່າທຳນຽມເຂົ້າຕ່າງໆ
ການແນະນຳໃນການນຸ່ງຖື
- ເສື້ອຜ້າທີ່ບໍ່ກັງວົນວ່າຈະຕ້ອງປຽກ
- ເກີບຫຸ້ມສົ້ນ, ເກີບບັງຕຸບ
ສິ່ງທີ່ຄວນເອົາມາ
- ກ້ອງ
- ຄີມກັນແດດ
- ເກີບແຕະ
- ເສື້ອຜ້າແຫ້ງທີ່ເອົາໄວ້ປ່ຽນ
