ຄວາມທ້າທາຍໃນປ່ານໍ້າໝອກ ( ບໍ່ລວມໂຮມສະເຕ )

ຕອນເຊົ້າ

ຕື່ນນອນພ້ອມກັບແສງອາທິດ ແລະ ເພີດເພີນໄປກັບອາຫານເຊົ້າກັບສຽງຮ້ອງຂອງນົກຍາມເຊົ້າ.

ມື້ນີ້ກະລູນາຕື່ນແຕ່ເຊົ້າກຽມຕົວພົບກັບສິ່ງທ້າທາຍ. ເປັນມື້ສຸດທ້າຍໃນການປີນຂື້ນຈອມພູສູງປະມານ 5-6 ຊົ່ວໂມງຂຶ້ນຮອດຈຸດສູງສຸດຈອມພູເລີຍ (ເປີ້ນພູສະເລ່ຍ + 18%), ຖັດມາຈາກບ່ອນທີ່ມີຄວາມສູງ 4,5 ຊົ່ວໂມງ (ເປີ້ນພູສະເລ່ຍ -17%). ການເດີນທາງໄລຍະສັ້ນ 12 ກິໂລແມັດຂອງມື້ນີ້ສາມາດໃຊ້ເວລາ 10 ຊົ່ວໂມງຫລືດົນກວ່ານັ້ນ!

ພູເລີຍແມ່ນປ່າພູໝອກເຊິ່ງມີເມກໝອກປົກຄຸ້ມຕະຫລອດ, ເຖີງຢ່າງໃດກໍ່ຕາມຖ້າທ່ານໂຊກດີ ທ່ານອາດຈະໄດ້ພົບກັບບັນຍາກາດທີ່ດີອາກາດປອດໂປ່ງທ້ອງຟ້າແຈ່ມໃສເປັນສີຄາມ, ທ່ານອາດຈະເຫັນທິວທັດທໍາມະຊາດທີ່ໜ້າ ຕື່ນເຕັ້ນແລະປ່າໄມ້ທີ່ໜາທີ່ປົກຫຸ້ມໄປດ້ວຍພູເຂົາ ”ຕະຫຼອດໄປ” ທ່ານສາມາດເບິ່ງເຫັນໄດ້ດ້ວຍຕາທ່ານ. ກະລຸນາຢ່າເອົາຕົ້ນໄມ້ທຸກຊະນິດອອກຈາກພື້ນທີ່ຂອງຈອມພູເລີຍ ແລະ ກະລຸນາຢູ່ຕາມເສັ້ນທາງຍ່າງຂອງຊາວບ້ານຕະຫລອດເພື່ອບໍ່ໃຫ້ພິກຫຼົງກັນໃນຂົງເຂດຕົ້ນໄມ້ທີ່ຫາຍາກນີ້.

ຕອນທ່ຽງ

ຫຼັງຈາກປີນພູ 6,5 ກມ (5-6 ຊົ່ວໂມງ), ມ່ວນໄປກັບການພັກຜ່ອນກິນເຂົ້າທ່ຽງໃກ້ໆກັບຈອມພູເລີຍ. ໃນນັ້ນພະນັກງານນໍາທ່ຽວຈະເປັນອະທິບາຍກ່ຽວກັບການຕິດກ້ອງແລະການປ່ຽນໜ່ວຍຄວາມຈໍາ. ພູເລີຍເປັນບ່ອນທີເຮົາຮູ້ຈັກກັນດີວ່າມັນເປັນປ່າທີ່ອຸດົມສົມບຸນ ແລະ ເປັນເຮືອນຮັງທີຢູ່ອາໄສຂອງສັດປ່າ ເຊິ່ງມັນເປັນໂອກາດທີ່ດີ ທີ່ຈະໄດ້ເຫັນຮູບສັດປ່າຫຼາຍຊະນິດຈາກກ້ອງດັກຖ່າຍ ແລະ ທ່ານຈະໄດ້ເຫັນຮູບພາບດີໆຂອງບັນດາຊະນິດສັດທີ່ແຕກຕ່າງກັນ.

ຫລັງຈາກເພີດເພີນໄປກັບສິ່ງມະຫັດສະຈັນຂອງປ່າໄມ້ທະໝອກແລ້ວ, ເສັ້ນທາງລົງມາຫາແຄ້ມຕາດລອຍ, ເຊິ່ງຫ່າງຈາກຈອມພູເລີຍ 5,5 ກມ (4-5 ຊົ່ວໂມງ).

ມາຮອດແຄ້ມໃນຕອນທ່ຽງ. ເພີດເພີນໄປກັບເວລາຫວ່າງເພື່ອພັກຜ່ອນ ແລະ ອາບນ້ໍາໃນແມ່ນໍ້າທີ່ໃກ້ຄຽງ.

ຕອນແລງ-ຄໍ່າ

ຮັບປະທານອາຫານພື້ນເມືອງຂອງຊົນເຜົ່າຂະມຸທີ່ກຽມພ້ອມໂດຍຜູ້ແຕ່ງກິນ ແລະ ຜູ້ເປ້ເຄື່ອງ. ຫລັງຈາກນັ້ນພັກຜ່ອນໂດຍການນັ່ງອ້ອມກ້ອງໄຟ ແລະ ປ່າດົງດິບທາງທຳມະຊາດຂອງອຸທິຍານແຫ່ງຊາດນໍ້າແອດ-ເລີຍ. ພະນັກງານນຳທ່ຽວບ້ານຈະເລົ່ານິທານ ຂະມຸ ກ່ຽວກັບມັງກອນ,ສັດປ່າ ແລະ ຜີ

ກາງຄືນ:

ນອນຢູ່ໃນອູ່ (ນຶ່ງຄົນຕໍ່ ອູ່)

ຕອນເຊົ້າ

ກ່ອນຮັບປະທານອາຫານເຊົ້າ ຍ່າງຂື້ນພູເພື່ອໄປກວດເບິ່ງຮູບຈາກກ້ອງດັກຖ່າຍສັດປ່າທີ່ຕິດຢູ່ໃກ້ໆສະຖານທີ່ນັ້ນ, ເບິ່ງນົກ ແລະ ມີໂອກາດໄດ້ຍິນສຽງຮ້ອງຂອງທະນີແກ້ມຂາວຖິ່ນເໜືອອີກດ້ວຍ.

ຫລັງຈາກກັບມາຮອດບ່ອນພັກ, ມ່ວນໄປກັບການຮັບປະທານອາຫານເຊົ້າ. ມື້ນີ້ທ່ານຈະໄດ້ເດີນທາງຈາກພູເຂົາຜ່ານພູຜາປ່າດົງທີ່ມີພູຜາຂອງພູເລີຍໄປຫາບ່ອນຕັ້ງແຄ້ມເຮືອນຮັງນົກທີ່ຕັ້ງຢູ່ໃກ້ໆກັບບໍ່ເກືອທໍາມະຊາດ(ປຸ່ງນຽດ) ແລະຫໍຄອຍສັງເກດເບິ່ງສັດປ່າ.

ເສັ້ນທາງດັ່ງກ່າວຜ່ານປ່າໄມ້ພູມສັນຖານທີ່ສວຍງາມ ແລະ ຂຸມຄອງທີ່ຍັງເຫລືອຈາກສົງຄາມ. ການເດີນທາງແມ່ນປະມານ 12 ກິໂລແມັດ ແລະໃຊ້ເວລາປະມານ 7ຊົ່ວ ດ້ວຍສະເລ່ຍຄວາມສູງຂອງຈອມພູຜາໃໝ່ຈາກເທີງພູລົງມາຫາທີ່ພັກແມ່ນ 1,500ແມັດ.

ຢູ່ອຸທິຍານແຫ່ງຊາດມີວິວທີຄັກທີ່ສຸດແມ່ນຢູ່ເທິງຈອມພູຜາໃໝ່. ເພິດເພີນໄປກັບການຊົມວິວ ແລະ ກິນເຂົ້າປ່າໃນຕອນທ່ຽງ.

ຕອນບ່າຍ

ທ່ານຈະມາຮອດແຄ້ມເຮືອນຮັງນົກໃນຕອນທ່ຽງແລະຈະໄດ້ເຫັນສະຖານທີ່ພັກຂອງທ່ານ-ທີ່ມີສາຍມັດຫ້ອຍ “ຮັງນົກ”. ເພີດເພີນໄປກັບເວລາຫວ່າງໃນການພັກຜ່ອນ, ອາບນໍ້າຢູ່ແມ່ນໍ້າທີ່ໃກ້ກັບແຄ້ມແລະມ່ວນຊື່ນກັບທຳມະຊາດ.

ອາຫານຄ່ຳ

ໃນເວລາປະມານ 6-7 ໂມງແລງຮັບປະທານອາຫານພື້ນເມືອງທີ່ແຕ່ງໂດຍກຸ່ມແຕ່ງກິນຂອງບ້ານທີ່ເປັນຊົນເຜົ່າຂະມຸ ອາຫານຄ່ຳ ແມ່ນກິນຢູ່ແຄ້ມ ແລະ ບໍ່ໄດ້ຮັບອະນຸຍາດກິນຢູ່ຫໍຄອຍສັງເກດສັດປ່າ.

ຕອນຄໍ່າຫຼັງຈາກກິນເຂົ້າແລງແລ້ວທ່ານຈະໄດ້ຟັງຄໍາອະທິບາຍຫຍໍ້ກ່ຽວກັບສັດປ່າທີ່ມາເລຍເກືອຢູ່ປຸ່ງນຽດ ເຊິ່ງເປັນປຸ່ງທີ່ໃຫຍ່ທີ່ສຸດຢູ່ໃນອູທິຍານແຫ່ງຊາດ. ພະນັກງານນໍາທ່ຽວຈະແຈ້ງໃຫ້ທ່ານຮູ້ກ່ຽວກັບຊະນິດສັດທີ່ພວກເຂົາອາດຈະໄດ້ເຫັນ ແລະ ອະທິບາຍກົດລະບຽບແລະຄວາມຄາດຫວັງໃນການສົນທະນາ.

ມັນເປັນສິ່ງສຳຄັນທີ່ຈະຕ້ອງປະຕິບັດຕາມກົດລະບຽບທີ່ແນະນຳໄວ້ເຊັ່ນ: ບໍ່ເວົ້າ,ບໍ່ກິນເຂົ້າຢູ່ຫໍຄອຍສັງເກດປຸ່ງເກືອ. ພວກເຮົາຈະພັກຢູ່ຫໍສັງເກດເປັນເວລາສອງສາມຊົ່ວໂມງ (ຂື້ນກັບຄວາມຢາກຮູ້ ແລະ ຄວາມອົດທົນຂອງທ່ານ)ຈົນກ່ວາ 11 ໂມງ 30 ນາທີ.

ສັດປ່າທີ່ທ່ານອາດຈະພົບເລື້ອຍໆກໍ່ຄື: ກວາງເຫຼົ່າ (AKA muntjak) ແລະ ປະເພດສັດປ່າຊະນິດຕ່າງໆ, ຖ້າທ່ານໂຊກດີ, ທ່ານອາດຈະເຫັນສັດຄຸ້ມຄອງອື່ນໆເຊັ່ນ: ໝີ, ໝາໄນ, ແມວປ່າຫຼາຍຊະນິດແລະອື່ນໆ.

ກະລູນານຸ່ງເຄື່ອງອຸ່ນເພາະຈະໜາວໃນເວລາຕອນແລງ ແລະ ຕອນກາງຄືນ.

ຕອນກາງຄືນ
ນອນຄ້ງຄືນຢູ່ເຮືອນຮັງນົກ ( ສອງຄົນຕໍ່ຮັງ ).

ຕອນເຊົ້າ

ກິນເຂົ້າເຊົ້າແລ້ວ ພະນັກງານນໍາທ່ຽວຈະສະເໜີທາງເລືອກໃຫ້ທ່ານສອງທາງເລືອກ:

ທາງເລືອກທຳອິດ, ຕື່ນນອນເວລາ 6:00 ໂມງເຊົ້າຍ່າງກັບໄປເບີ່ງປຸ່ງເກືອທີ່ຢູ່ໃກ້ໆເພື່ອສັງເກດການຕິດຕາມສັດປ່າທີ່ແຕກຕ່າງກັນ. ໃຊ້ເວລາປະມານໜຶ່ງຊົ່ວໂມງຢູ່ທີ່ຫໍຄອຍ, ເພາະວ່າຕອນເຊົ້າແມ່ນເວລາທີ່ດີສຳລັບການເບິ່ງນົກ. ຫລັງຈາກນັ້ນ, ຟັງຄຳແນະນຳຂອງພະນັກງານນໍາທ່ຽວເພື່ອກວດເບິ່ງກ້ອງດັກຖ່າຍສັດປ່າ.

ທາງເລືອກທີສອງ, ຕື່ນແຕ່ເຊົ້າເລີ່ມແຕ່ເວລາ 5: 30 ແລະຍ່າງປະມານ 20 ນາທີຂຶ້ນພູເພື່ອໄປຟັງສຽງຂອງທະນີຮ້ອງຖ້າທ່ານໂຊກດີອາດຈະໄດ້ຍິນ ທ່ານພະຍາຍາມຟັງແລະບອກຊື່ຂອງສັດທີ່ໄກ້ຈະສູນພັນນັ້ນວ່າແມ່ນສຽງຮ້ອງຂອງທະນີແກ້ມຂາວພາກເໜືອຫຼືບໍ່. ຕາເວັນຂຶ້ນເພີດເພີນໄປກັບການເບິ່ງນົກໃນຕົ້ນໄມ້ໃກ້ກັບຫໍຄອຍ. ເວລາ 6:30 ຟັງຄຳແນະນຳ ຂອງພະນັກງານນໍາທ່ຽວເພື່ອກວດເບິ່ງຮູບຈາກກ້ອງດັກຖ່າຍ.

ເມື່ອກັບໄປທີ່ແຄ້ມແລ້ວ, ເພີດເພີນໄປກັບອາຫານເຊົ້າແລະເບິ່ງຮູບພາບສັດປ່າທີ່ຖ່າຍໄດ້ຈາກກ້ອງດັກຖ່າຍໃນຄືນຜ່ານມາ.

ມີ 12 ບ້ານອ້ອມຂ້າງໄດ້ຮັບເງິນກອງທຶນພັດທະນາບ້ານໂດຍອີງໃສ່ຈຳນວນແລະ ຊະນິດຂອງຮູບສັດປ່າ,ທີ່ໄດ້ລະບຸ ແລະ ເບິ່ງຢູ່ໃນກ້ອງດັກກ້ອງຖ່າຍ. ໃນຮູບແບບທີ່ມີສ່ວນຮ່ວມໃນໂຄງການນີ້ (ຄ່າທໍານຽມນີ້ ລວມຢູ່ໃນລາຄາທົວ.)

ຍ່າງກັບແຕ່ເຮືອນຮັງນົກ ຫາ ບ້ານ ນໍ້າປຸ່ງ

ລາຍການຍ່າງປ່າມື້ສຸດທ້າຍຂອງທ່ານແມ່ນ 7,5 ກິໂລແມັດ. ຍ່າງຜ່ານປ້ອມຍາມຂອງໜ່ວຍລາດຕະເວນຕາມປ່າ ແລະ ຍ່າງຜ່ານປ່າດົງດິບ,ປະສົມປ່ຽນໃບ. ໄກ້ນໍາທ່ຽວບ້ານຈະອະທິບາຍແລະບອກກ່ຽວກັບພືດທີ່ເປັນຢາ ແລະ ຮ່ອງຮອຍສັດປ່າຕາມເສັ້ນທາງ.

ຕອນບ່າຍ

ການເດີນທາງມີຄວາມຫຍຸ້ງຍາກປານກາງກ່ອນທີ່ຈະລົງມາໃນຂົງເຂດທຳການຜະລິດຂອງປະຊາຊົນ. ຢູ່ບໍລິເວນມີປ່າໄມ້ ແລະ ທົ່ງນາ, ແລ້ວທ່ານຈະໄດ້ຮັບອາຫານທ່ຽງ ລັງຈາກນັ້ນເດີນທາງດ້ວຍລົດ ຕ໋ອກ ຕ໋ອກ ໂດຍຜ່ານໄຮ່ເຂົ້າ,ທົ່ງນາ ແລະ ໄຮ່ສາລີ ປະມານ 5ກິໂລແມັດ ຫາບ້ານ ນໍ້າປຸ່ງ ເຊິ່ງເປັນບ້ານຊົນເຜົ່າຂະມຸ, ລາວ  ຕັ້ງຢູ່ຂອບເຂດຊາຍແດນຂອງອຸທິຍານແຫ່ງຊາດ.

ເມື່ອຮອດບ້ານກຸ່ມບໍລິການກໍຈະສັ່ງລາທ່ານໂດຍມີລົດຕູ້ມາຮັບແລ້ວກັບໄປເມືອງຮ້ຽມໃນຕອນບ່າຍ

ສິ້ນສຸດການທ່ອງທ່ຽວ