ຄວາມຄິດເຫັນສ່ວນຕົວໃນການຟື້ນຟູການທ່ອງທ່ຽວລາວ (ຫຼັງໂຄວິດ-19)

ສະຫຼຸບເນື້ອຫາ

1. ເປັນຫຍັງລູກຄ້າມັກຈອງກັບຕົວແທນການທ່ອງທ່ຽວອອນລາຍ (OTAs) ແລະ ຄວາມເຂົ້າໃຈຜິດໃນເລື່ອງທີ່ວ່າ ການຈອງໂດຍກົງນັ້ນ ແພງກວ່າ ທັ້ງໆທີ່ມັນບໍ່ຄວນຈະເປັນແບບນັ້ນ
2. Rate Parity ແມ່ນຫຍັງ?
3. ການກໍານົດລາຄາຂອງ Agoda ແລະ Expedia, ການຍຶດຄອງຕະຫຼາດ  ທີ່ຄ່ອຍໆບີບກໍາໄລຂອງໂຮງແຮມໃຫ້ຫຼຸດລົງ ແລະ ວິທີທີ່ເຮົາຈະສາມາດແກ້ໄຂປັນຫານີ້ໄດ້
4. ບັນດາໂຮງແຮມ ບູຕິກ/ ໂຮງແຮມທີ່ເປັນຂອງສ່ວນບຸກຄົນ ໄດ້ພາກັນແຂ່ງຂັນກັນ ໃນການໃຫ້ຄ່ານາຍໜ້າ ຫຼື ຄອມມິສເຊີນທີ່ສູງຂື້ນເລື້ອຍໆ
5. ໂຄງການເພື່ອຊ່ວຍເຫຼືອບໍລິສັດທົວ / ບໍລິສັດຈັດການບໍລິຫານຈຸດໝາຍປາຍທາງ(DMCs) ແລະ ການເປີດຊ່ອງທາງໃຫ້ເຂົ້າເຖິງເເພັດຟອມໃໝ່ ເພື່ອການຟື້ນຟູຫລັງໂຄວິດ-19
6. ລີ້ງແບບສອບຖາມກ່ຽວກັບໂຮງແຮມ ສໍາລັບຜູ້ທີ່ສົນໃຈເຂົ້າຮ່ວມ
7. Asean-China Tourism Tradeshow (ການເຊີນຊວນເຂົ້າຮ່ວມຈາກປະເທດຈີນ ໃຫ້ 4 ບໍລິສັດທົວເຂົ້າຮ່ວມໂດຍຜ່ານ Discover Laos Today)
8. ຕົວແທນການທ່ອງທ່ຽວອອນລາຍ (OTAs)  ແບບໃໝ່ຂອງປະເທດລາວ ໂດຍອີງຕາມພື້ນຖານຂໍ້ມູນທີ່ກ່າວມາ ແລະ ເປັນຫຍັງເຮົາຄວນມີແພັດຟອມນີ້?

ເປີດຫົວເລືອງ:

ໃນເບື້ອງຕົ້ນ, ລະບົບການຈອງອອນລາຍ Agoda/Booking.com ເລີ່ມໄດ້ຮັບຄວາມນິຍົມຢ່າງແຜ່ຫຼາຍ ໂດຍໄດ້ໂນມນ້າວໃຫ້ເກືອບທຸກໆໂຮງແຮມໃນປະເທດລາວສະໝັກ ແລະ ເຂົ້າຮ່ວມເປັນສ່ວນຫນຶ່ງໃນຕະຫຼາດພວກເຂົາ, ເຊິ່ງຊ່ວຍໃຫ້ໂຮງແຮມສາມາດດຳເນີນທຸລະກິດແບບໃໝ່ໃນຂອບເຂດການຄ້າທາງອອນລາຍ ຫຼື ແບບ E-commerce ແລະ ຍັງໃຫ້ຄວາມສະດວກສະບາຍກັບກຸ່ມລູກຄ້າ FIT, ການຈອງໂຮງແຮມຕ່າງໆທົ່ວໂລກ. ເພື່ອແລກປ່ຽນ, ພວກເຮົາຍິນດີໃຫ້ຂໍ້ຕົກລົງການລົງລາຄາ ຫຼື rate parity (our best price guarantee) ແລະ ຄ່ານາຍໜ້າເຖິງ 15-18% ທີ່ໃນການນໍາໃຊ້ເຕັກໂນໂລຢີຂອງພວກເຂົາ.

Booking Holdings (ບໍລິສັດທີ່ເປັນເຈົ້າຂອງ Booking.com ແລະ Agoda) ໄດ້ໂນມນ້າວລູກຄ້າໃຫ້ເຊື່ອວ່າທັງສອງເວັບໄຊນີ້ກຳລັງແຂ່ງຂັນກັນເພື່ອໃຫ້ລູກຄ້າຈອງໃນລາຄາທີ່ດີທີ່ສຸດ. ເຖິງຢ່າງໃດກໍ່ຕາມ, ພວກເຂົາເຮັດໃຫ້ລູກຄ້າເຂົ້າໃຈຜິດວ່າ ລູກຄ້າຕ້ອງເລືອກຈອງລະຫວ່າງສອງເວັບໄຊນີ້ເທົ່ານັ້ນ. ແຕ່ຄວາມເປັນຈິງຄື ເຖິງລູກຄ້າຈະຈອງໃນເວັບໄຊໃດ ທາງບໍລະສັດກໍ່ຈະໄດ້ກໍາໄລຄືກັນ. ໃນໂລກທຸລະກິດ, ນີ້ເອີ້ນວ່າ "ການແຂ່ງຂັນກັບຕົນເອງ ", "ພາບລວງຕາຂອງທາງເລືອກ", "ການຕ້ານການແຂ່ງຂັນ  ຫຼື Anti-Competition Collusion"

ການກະທໍານີ້ໄດ້ດຳເນີນໄປເປັນເວລາໃດໜຶ່ງ ແລະຄົນສ່ວນຫຼາຍກໍ່ພໍໃຈຈົນກວ່າຄູ່ແຂ່ງໃໝ່ ໄດ້ເລີ່ມຕົ້ນປັ່ນປ່ວນຕະຫຼາດ; ການເຂົ້າ Expedia ແລະ OTAs ອື່ນໆ (ຕົວແທນການທ່ອງທ່ຽວອອນລາຍ), ເພື່ອພະຍາຍາມສ້າງສ່ວນແບ່ງຕະຫຼາດ. ວິທີທີ່ງ່າຍທີ່ສຸດທີ່ຈະສ້າງສ່ວນແບ່ງຕະຫລາດໃຫ້ຫຼາຍຂື້ນແມ່ນການກຳນົດລາຄາ (ຫຼືເອີ້ນວ່າ "ການປັບລາຄາ" ໂດຍ OTAs). ຈາກນີ້ ກໍ່ເລີ່ມຕົ້ນມີເລື່ອງທີ່ບໍ່ດີກັບອຸດສາຫະກຳຂອງພວກເຮົາ ແຕ່ເປັນສິ່ງທີ່ດີສຳລັບຜູ້ບໍລິໂພກ.

ເປັນຫຍັງການຈອງໂດຍກົງຈຶ່ງແພງກວ່າ ການຈອງກັບຕົວແທນການທ່ອງທ່ຽວອອນລາຍ ຫຼື OTAs?

ເຫດຜົນ & ຄໍາອະທິບາຍແບບກະທັດຮັດກໍ່ຄື:

1. ການປັບການຫຼຸດລາຄາທີ່ບໍ່ຖືກຕ້ອງ (ໃຊ້ຄອມມິສເຊີນທີ່ໄດ້ຈາກໂຮງແຮມເພື່ອຫຼຸດລາຄາໃຫ້ລູກຄ້າສູງເຖິງ 10% ຈາກຂໍ້ຕົກລົງການລົງລາຄາແທ້ລະຫວ່າງ 2 ຝ່າຍ)

2. ການແຂ່ງຂັນທີ່ສູງເກີນໄປລະຫວ່າງ ຕົວແທນການທ່ອງທ່ຽວອອນລາຍຕ່າງໆ ເພື່ອຍາດຊິງເອົາສ່ວນແບ່ງຕະຫຼາດ ເຊິ່ງພາໃຫ້ເກີດການຫຼຸດລາຄາເພີ່ມອີກຫຼາຍກວ່າເກົ່າທີ່ໂຮງແຮມບໍ່ສາມາດປະຄອງໄດ້ ເຊິ່ງກໍ່ຕ້ອງຍອມຂາດທຶນ

3. ການຂາດການຮ່ວມມືກັນລະຫວ່າງບັນດາຜູ້ປະກອບການໂຮງແຮມ ໃນການສະໜັບສະໜູນຕະຫຼາດການຈອງໂດຍກົງ ແລະ ສະມາຄົມໂຮງແຮມ / ລັດຖະບານທີ່ຂາດຄວາມເຂົ້າໃຈເຊິ່ງກັນແລະກັນ ເພາະມັນຈໍາເປັນໃນການຮັບມືກັບ OTAs.

4. ການລະເມີດຂໍ້ຕົກລົງການລົງລາຄາ ຫຼື Rate Parity (ກົດລະບຽບທີ່ວາງອອກໂດຍ OTAs ທີ່ບັງຄັບໃຫ້ໂຮງແຮມສະໜອງ ລາຄາທີ່ດີທີ່ສຸດໃຫ້ພວກເຂົາຕະຫຼອດເວລາ) ເຊິ່ງໃນຂະນະດຽວກັນ, ພວກເຂົາກໍ່ບໍ່ຂາຍໃນລາຄາທີ່ໄດ້ຕົກລົງກັນ, ເຮັດໃຫ້ພວກເຮົາຂາດທຶນຈາກທຸລະກິດຈາກແຫຼ່ງການຈອງໂດຍກົງ ແລະ ບັນດາຕົວແທນຕ່າງໆ.

ສະຫຼຸບຫຍໍ້ສໍາລັບຜູ້ປະກອບການໂຮງແຮມ: ຍິ່ງທ່ານໃຫ້ຄອມມິສເຊີນກັບ OTAs ຫຼາຍເທົ່າໃດ, ພວກເຂົາຍິ່ງໄດ້ຮັບສ່ວນແບ່ງຕະຫຼາດຈາກທ່ານ ແລະ ຕົວແທນການທ່ອງທ່ຽວຂອງທ່ານຫລາຍຂື້ນ! ຍິ່ງທ່ານໃຫ້ຄອມມິສເຊີນກັບພວກເຂົາຫຼາຍ, ພວກເຂົາກໍ່ຈະຂາຍໃນລາຄາທີ່ຖືກກວ່າອີກເຕີ່ມ.

ອີກຢ່າງໜຶ່ງ, ສໍາລັບໂຮງແຮມທີ່ສະດວກ ແລະ ພຶງພໍໃຈໃນການໃຊ້ຕົວແທນການທ່ອງທ່ຽວອອນລາຍ OTAs ເທົ່ານັ້ນ. ທາງເລືອກນີ້ຄ້ອນຂ້າງຈະດີ ແລະ ໝັ້ນຄົງ ຖ້າຫາກວ່າທ່ານມີອັດຕາກໍາໄລສູງພໍ.

ໃຫ້ທ່ານລອງຄິດເບິ່ງວ່າ: ໂຮງແຮມຕ່າງໆສາມາດກໍານົດກົດ ແລະ ຂໍ້ບັງຄັບຂອງຕົນເອງ ຕໍ່ກັບໜ່ວຍງານ/ບໍລິສັດຕ່າງໆ ໃຫ້ພວກເຂົາປະຕິບັດຕາມສັນຍາທີ່ວາງອອກໄດ້. ເຖິງຢ່າງໃດກໍ່ຕາມ, OTAs ໄດ້ກຳນົດກົດລະບຽບ / ອັດຕາຄ່ານາຍໜ້າໃຫ້ທ່ານແລ້ວ. ແຕ່ທ່ານກໍບໍ່ສາມາດເວົ້າຫຍັງຕໍ່ກັບພຶດຕິກຳທີ່ບໍຢຸດຕິທຳນີ້ໄດ້, ຢ່າງເຊັ່ນ:

1. ບັງຄັບໃຫ້ເພີ່ມອັດຕາຄ່ານາຍໜ້າ.

2. ການປຽບທຽບທີ່ບໍ່ຖືກຕ້ອງ ຫຼື ເຂົ້າໃຈຜິດ.

3. ການຫຼຸດລາຄາປອມ ໂດຍໃຊ້ ຄຳວ່າ "ຟຣີ"

4. ການນໍາສະເໜີລາຄາທີີ່ບໍ່ກົງກັບລາຄາຕົວຈິງ

ຍິ່ງ OTAs ຄວບຄຸມສ່ວນແບ່ງຕະຫລາດຢູ່ໃນປະເທດລາວ ຍິ່ງເຮັດໃຫ້ພວກເຂົາເຊື່ອວ່າພວກເຂົາມີທ່າແຮງຫຼາຍເພາະວ່າໂຮງແຮມມັກຈະຢ້ານທີ່ຈະຢືນເຈລະຈາກັບ OTAs. ເຖິງແມ່ນວ່າໃນເວລາທີ່ພວກເຮົາພະຍາຍາມເຈລະຈາ, ພວກເຂົາກໍ່ບໍ່ໄດ້ເອົາໃຈໃສ່ຢ່າງຈິງຈັງ.

ປີກາຍນີ້ຂ້າພະເຈົ້າມີປະສົບການສ່ວນຕົວກ່ຽວກັບການຮັບມືກັບ Agoda. ຂ້າພະເຈົ້າໄດ້ໃຊ້ເວລາສອງເດືອນໃນການໂທ ແລະ ສົ່ງອີເມວຫາພວກເຂົາ, ຂໍໃຫ້ຢຸດການປະຕິບັດແບບນີ້ຕໍ່ໂຮງແຮມຂອງຂ້າພະເຈົ້າ. ການກະທຳນີ້ ກຳລັງເຮັດໃຫ້ຕົວແທນເອເຈັນຂອງຂ້າພະເຈົ້າ ແລະ ທຸລະກິດການຈອງໂດຍກົງເສຍຫາຍ ຍ້ອນການປັບລາຄາຂອງພວກເຂົາ. ແຕ່ພວກເຂົາກໍປະຕິເສດທີ່ຈະຕອບອີເມວ ແລະ ຮັບໂທລະສັບ. ໃນທີ່ສຸດ, ຂ້າພະເຈົ້າກໍ່ໄດ້ເບີໂທລະສັບມືຖືຂອງຜູ້ຈັດການຂອງບໍລິສັດປະຈໍາປະເທດລາວ ແລະ ໂທຫາລາວໂດຍກົງ. ຫລັງຈາກໄດ້ອະທິບາຍເຖິງຄຳຂໍຂອງຂ້າພະເຈົ້າ, ລາວກໍ່ເລີ່ມເວົ້າແບບບໍ່ພໍໃຈ, ຂົ່ມຂູ່ດ້ວຍການຫຼຸດຈຳ ນວນການຈອງໂຮງແຮມ ຫລື ຫຼຸດອັນດັບໂຮງແຮມຂອງຂ້າພະເຈົ້າລົງຢູ່ໃນເວັບໄຊທ໌ຂອງພວກເຂົາ. ລາວບໍ່ພໍໃຈຫຼາຍທີ່ຂ້າພະເຈົ້າຮຽກຮ້ອງໃຫ້ພວກເຂົາຢຸດປະຕິບັດແບບນີ້. ບໍ່ຈໍາເປັນຕ້ອງເວົ້າ, ພວກເຂົາກໍ່ຍັງສືບຕໍ່ການປະຕິບັດແບບນີ້ໂດຍບໍ່ມີສັນຍານວ່າຈະຢຸດເລີຍ

ບັນດາບໍລິສັດທ່ອງທ່ຽວ / DMCs ໄດ້ຮັບຜົນກະທົບແນວໃດຈາກການກະທຳທີ່ບໍ່ຖືກຕ້ອງຂອງ OTAs ແລະ ເປັນຫຍັງພວກເຮົາຈຶ່ງຢາກໃຫ້ພວກເຂົາເຮັດໄດ້ດີ ແລະ ປະສົບຜົນສຳເລັດ?

ບັນດາບໍລິສັດທ່ອງທ່ຽວຕ້ອງປະເຊີນກັບການແຂ່ງຂັນທີ່ຫຍຸ້ງຍາກກວ່າເກົ່າຍ້ອນວ່າຜູ້ບໍລິໂພກສາມາດເລືອກໂຮງແຮມໄດ້ງ່າຍໂດຍຜ່ານ OTAs. ດ້ວຍການຫຼຸດລາຄາຢ່າງໜັກ, ມັກຈະມີການປຽບທຽບ ຫຼື ຮຽກຮ້ອງຈາກລູກຄ້າກ່ຽວກັບລາຄາທີ່ສູງກວ່າຂອງບໍລິສັດຕົວແທນທ່ອງທ່ຽວ. ນີ້ເຮັດໃຫ້ເກີດມີການຂາດຄວາມໄວ້ວາງໃຈຕໍ່ກັບການບໍລິການຂອງບໍລິສັດຕົວແທນທ່ອງທ່ຽວຕ່າງໆ, ແຕ່ນີ້ບໍ່ແມ່ນຄວາມຜິດຂອງພວກເຂົາຍ້ອນວ່າ OTAs ມີຄວາມໄດ້ປຽບ ແລະ ທ່າແຮງໃນການກຳນົດລາຄາ.

ບໍລິສັດການທ່ອງທ່ຽວມັກຈະໃຫ້ຄຸນຄ່າເພີ່ມໂດຍການໃຫ້ບໍລິການແລະການຈັດແຈງຕາມຄວາມເໝາະສົມສຳລັບລູກຄ້າຂອງພວກເຂົາ ແຕ່ກໍ່ຍັງໄດ້ຮັບຜົນຕອບແທນທີ່ຫຼຸດລົງ ເຊິ່ງນີ້ເຮັດໃຫ້ບໍລິສັດຕົວແທນທ່ອງທ່ຽວ ແລະ ຜູ້ໃຫ້ບໍລິການທີ່ມີຄຸນນະພາບຕ່າງໆໄດ້ລາອອກຈາກຂະແໜງການທ່ອງທ່ຽວ, ໃນຂະນະດຽວກັນສ່ວນແບ່ງຕະຫຼາດຂອງ OTAs ກໍ່ເພີ່ມຂື້ນເລື້ອຍໆ. ນອກຈາກນັ້ນ, ການແຜ່ລະບາດຂອງໂຄວິດ 19 ໄດ້ບັງຄັບໃຫ້ຜູ້ປະກອບການທ່ອງທ່ຽວຫຼາຍຄົນຢຸດກິດຈະການຊົ່ວຄາວ, ເຊິ່ງຈະເຮັດໃຫ້ສ່ວນແບ່ງຕະຫຼາດຂອງ OTAs ເພີ່ມຂື້ນອີກ. ເພື່ອໃຫ້ອຸດສາຫະກຳຟື້ນຕົວຂ້າພະເຈົ້າຂໍແນະນຳຕໍ່ໄປນີ້:

ໂຄງການທີ 1:

ທຸລະກິດທີ່ກ່ຽວຂ້ອງກັບການທ່ອງທ່ຽວເຊັ່ນ: ໂຮງແຮມ, ຮ້ານອາຫານ, ສະປາ ແລະ ຜູ້ໃຫ້ບໍລິການທົວດ້ານກິດຈະກຳຈຳເປັນຕ້ອງມາຮ່ວມກັນອັບໂຫລດຂໍ້ມູນຜະລິດຕະພັນ, ລາຄາ, ຮູບພາບ, ວີດີໂອ ແລະ ສັນຍາໃຫ້ກັບຜູ້ປະກອບການທ່ອງທ່ຽວໃນແພດຟອມທີ່ເປັນສູນກາງທີ່ບໍລິຫານໂດຍ LUTA ຫຼື LNCCI. ການເຂົ້າເຖິງຂໍ້ມູນນີ້ແມ່ນຈະສະໜອງໃຫ້ແກ່ບໍລິສັດທ່ອງທ່ຽວທີ່ຈົດທະບຽນໃນປະເທດລາວເທົ່ານັ້ນ ເພື່ອນຳໃຊ້ເຂົ້າໃນການໂຄສະນາ ແລະ ການຕະຫລາດຂອງພວກເຂົາ.

ເຫດຜົນ: ນີ້ຈະຊ່ວຍໃຫ້ບັນດາບໍລິສັດທ່ອງທ່ຽວ ແລະທຸລະກິດສາມາດເລີ່ມຕົ້ນດໍາເນີນງານການຕະຫຼາດແລະສ້າງຍອດຂາຍໄດ້ຢ່າງໄວວາ, ສະໜອງເນື້ອຫາທີ່ສາມາດເຂົ້າເຖິງໄດ້ງ່າຍຫຼັງຈາກ COVID ແລະ ເຂົ້າສູ່ຕະຫຼາດສາກົນ. ບັນດາບໍລິສັດທີ່ມີພະນັກງານຫຼຸດລົງກໍ່ຈະສາມາດດໍາເນີນທຸລະກິດຂອງພວກເຂົາຄືນໃໝ່ໄດ້ຍ່າງວ່່ອງໄວແລະມີປະສິດຕິຜົນໂດຍບໍ່ຕ້ອງເພິ່ງພາເຄືອຂ່າຍໃນອຸດສາຫະກໍາຢ່າງດຽວ.

ໂຄງການທີ 2:

ສະມາຄົມໂຮງແຮມຄວນເຮັດວຽກຢ່າງຫ້າວຫັນກັບສະມາຄົມທີ່ກ່ຽວຂ້ອງແລະເຮັດວຽກຮ່ວມກັບສະມາຊິກໂຮງແຮມແບບໂດດດ່ຽວເພື່ອເຈລະຈາກັບ OTAs ສຳລັບຮູບແບບຄ່ານາຍໜ້າ(Commission)  ທີ່ຕໍ່າກວ່າ. ຖ້າສະມາຄົມເປັນກຸ່ມກ້ອນ,ພວກເຮົາອາດຈະສາມາດຢຸດສະງັກຊ່ອງທາງຂອງ OTAs ຈາກກຸ່ມໂຮງແຮມເຫລົ່ານີ້ໄດ້ ໂດຍການປິດການຈອງຫລື ເພີ່ມລາຄາຂອງພວກເຮົາ 15-25% ເພື່ອຊົດເຊີຍຄ່າຄອມມິດຊັ່ນທີ່ສູງຂອງພວກເຂົາ. ນອກຈາກນັ້ນ, ພວກເຮົາຈະຮຽກຮ້ອງໃຫ້ພວກເຂົາຢຸດ “ການປັບລາຄາ” ຫຼື ການເຮັດການຕະຫຼາດທີ່ບໍ່ຍຸດຕິທຳ ດັ່ງທີ່ໄດ້ກ່າວມາຂ້າງເທິງ. ສໍາລັບ OTAs ທີ່ເຄົາລົບການຮຽກຮ້ອງຕ້ອງການຂອງພວກເຮົາສາມາດສືບຕໍ່ໄດ້ ແລະ ຮັບສັນຍາການລົງລາຄາທີ່ເທົ່າທຽມກັນ.

ເຫດຜົນ: ໃນຖານະເປັນໂຮງແຮມສ່ວນບຸກຄົນພວກເຮົາບໍ່ສາມາດມີອິດທິພົນຕໍ່ຜູ້ຕັດສິນໃຈ ແລະແບບທຸລະກິດຂອງ OTAs ໄດ້. ແຕ່ຖ້າຫາກເຮົາເປັນກຸ່ມເປັນກ້ອນ, ພວກເຮົາມີແນວໂນ້ມທີ່ຈະມີອິດທິພົນຕໍ່ພື້ນຖານແບບທຸລະກິດຂອງພວກເຂົາແລະ ບັງຄັບໃຫ້ພວກເຂົາມີທັດສະນະທີ່ແຕກຕ່າງ. ບາງທີ ພວກເຮົາອາດຈະສາມາດເລີ່ມຕົ້ນການປ່ຽນແປງຄື້ນນ້ອຍໆຕໍ່ປະເທດອື່ນເພື່ອປະຕິບັດຕາມແບບຢ່າງຂອງພວກເຮົາເພື່ອເຮັດໃຫ້ OTAs ຮັບຮູ້. ຖ້າບໍ່ມີໂຮງແຮມ, OTAs ຈະບໍ່ມີຜະລິດຕະພັນ ຫລື ຍອດຂາຍເລີຍ. ເຖິງຢ່າງໃດກໍ່ຕາມ, ລູກຄ້າຍັງຄົງສາມາດຊອກຫາພວກເຮົາໄດ້ໂດຍບໍ່ຕ້ອງໃຊ້ OTAs, ໂດຍຜ່ານຊ່ອງທາງອື່ນໆເຊັ່ນ: ຕົວແທນ / ການຈອງໂດຍກົງ / google. ການຮ່ວມມືກັນຂອງພວກເຮົາໃນລັກສະນະນີ້ ຈະສາມາດເຮັດໃຫ້ເຮົາມີທ່າໄດ້ປຽບໃນການເຈລະຈາຫຼາຍຂື້ນ.

ໂຄງການທີ 3:

ຜູ້ທີ່ມີສ່ວນຮ່ວມໃນຂະແໜງການທ່ອງທ່ຽວຈຳເປັນຕ້ອງເຮັດວຽກຮ່ວມກັນເພື່ອນຳໃຊ້ກົດລະບຽບໃໝ່ ຈາກລັດຖະບານລາວທີ່ຄ້າຍຄືກັບການປະຕິບັດຂອງສາກົນກ່ຽວກັບການຄຸ້ມຄອງທາງດິຈິຕອລໃນການນຳສະເໜີຂໍ້ມູນທີ່ບໍ່ຖືກຕ້ອງ ແລະ ລົງໂທດ OTAs ທີ່ລະເມີດສິດທິພື້ນຖານຂອງຜູ້ບໍລິໂພກຂັ້ນໃດໆໂດຍຜ່ານການປັບໄໝ, ການຢຸດການບໍລິການ, ການປະຈານໃນສື່ມວນຊົນ.

ເຫດຜົນ: ລະບົບທີ່ສະໜັບສະໜູນການຄ້າທີ່ຍຸດຕິທຳສຳລັບຂະແໜງການທ່ອງທ່ຽວໂດຍສະເພາະໃນຂອບເຂດດິຈີຕອນຈະປົກປ້ອງທຸລະກິດລາວ, ປົກປ້ອງຜູ້ຊົມໃຊ້ ແລະ ສົ່ງເສີມອຸດສະຫະກຳໃຫ້ດີຂື້ນ. ລະບົບນີ້ສາມາດໄດ້ຮັບການພັດທະນາຕາມແບບການປະຕິບັດທີ່ດີຈາກສະຫະພາບເອີຣົບ ຫຼື ປະເທດໃດກໍ່ຕາມທີ່ມີອະນຸສັນຍາທີ່ດີ. ນີ້ຍັງຈະປ້ອງກັນການລ່ວງລະເມີດຕໍ່ລະບົບຂອງຄວາມບໍ່ສົມດຸນໃນປະຈຸບັນ.

ຫຼັກຖານບາງຢ່າງຂອງຜູ້ປະກອບການໂຮງແຮມສະແດງຄວາມຄິດເຫັນໃນການກະທຳທີ່ບໍ່ຖືກຕ້ອງຂອງ OTAs ໃນລາວ

ເຈົ້າຂອງໂຮງແຮມທີ່ກໍາລັງປະສົບກັບຄວາມຫຍຸ້ງຍາກດ້ານທຸລະກິດ ພວກເຂົາຖືກຂົ່ມຂູ່ດ້ວຍຈົດໝາຍທາງການຈາກ booking.com ຍ້ອນຈ່າຍເງີນຊ້າ 8 ໂດລາ

ນອກນີ້, ເຄີຍເກີດເຫດການທີ່ ລູກຄ້າສັ່ງຈອງຜ່ານ booking.com ແລະ ໜີໃນເວລາທ່ຽງຄືນໂດຍບໍ່ຈ່າຍເງິນແຕ່ກໍ່ບໍ່ມີຫຍັງເກີດຂື້ນ ຍ້ອນນະໂຍບາຍບຸລິມະສິດຂອງເວັບໄຊທ໌້ໃຫ້ແກ່ແຂກ ແລະເປັນທີ່ຮູ້ຈັກກັນດີໃນການອະນຸຍາດໃຫ້ໃຊ້ບັດເຄດິດສໍ້ໂກງ ແລະ "ບໍ່ສະແດງຕົວ ບໍ່ຈ່າຍເງີນ".

ລິ້ງແບບສອບຖາມໂຮງແຮມສຳລັບຄູ່ຮ່ວມງານທີ່ມີຄວາມສົນໃຈເຂົ້າຮ່ວມ

ພວກເຮົາໄດ້ກະກຽມລິ້ງແບບສອບຖາມດ້ານລຸ່ມເພື່ອໃຫ້ຜູ້ປະກອບການໂຮງແຮມເຂົ້າຮ່ວມ: 

https://docs.google.com/forms/d/1yBhLS2e0wkrWLe1eYd7taz81IAod9tdnSRWmuzRP9Jw/edit?usp=drive_web

ພວກເຮົາຂໍຮຽກຮ້ອງໃຫ້ໂຮງແຮມທຸກແຫ່ງເຮັດແບບສອບຖາມນີ້ ເພາະວ່າມັນຈະຊ່ວຍປັບປຸງແຜນການຂອງພວກເຮົາໃນການຮັບມືການປະຕິບັດທີ່ບໍ່ເປັນທຳຂອງ OTAs.

ໂຄງການທີ່ 4: ສະເໜີໂດຍ DiscoverLaosToday ຮຽນເຊີນໃຫ້ຜູ້ປະກອບການທ່ອງທ່ຽວ ແລະ ໂຮງແຮມເຂົ້າຮ່ວມງານ China-Asean Tourism Fair in Guangxi (Post COVID)

ດ້ວຍຜົນກະທົບຂອງການລະບາດໂຄວິດ 19 ສືບຕໍ່ເລື້ອຍໆ ແລະ ການຢຸດສະງັກຂອງຖ້ຽວບິນສາກົນ, ຈຸດໝາຍປາຍທາງທີ່ໃກ້ທີ່ສຸດແລະໃຫຍ່ທີ່ສຸດທີ່ພວກເຮົາສາມາດຕັ້ງເປົ້າໝາຍໃນຄັ້ງນີ້ແມ່ນ ຕະຫຼາດຈີນ. ແຕ່ໂຊກບໍ່ດີ, ຜູ້ປະກອບການທ່ອງທ່ຽວໃນປະເທດລາວສ່ວນຫຼາຍຍັງບໍ່ໄດ້ກຽມພ້ອມສຳລັບການປ່ຽນແປງຄັ້ງໃຫຍ່ນີ້, ແລະ ທາງລົດໄຟຄວາມໄວສູງທີ່ກຳລັງຈະມາ, ຄາດຄະເນວ່າ ນັກທ່ອງທ່ຽວຈີນຈະກ້າວເຂົ້າສູ່ປະເທດລາວທັນທີທີ່ອຸດສາຫະກໍາການທ່ອງທ່ຽວລາວຈະກັບມາຟື້ນຟູອີກຄັ້ງ.

DiscoverLaosToday ໄດ້ຈອງບູດໄວ້ແລ້ວໃນງານ China-Asean Tourism Fair ທີ່ ເມືອງກວາງຊີ, ປະເທດຈີນ. ຄາດວ່າຈະມີເຖິງ 400 ຕົວແທນທີ່ເປັນ B2B ເຂົ້າຮ່ວມ ແລະ ກຳລັງຊອກຫາຄູ່ຮ່ວມງານໃນອຸດສາຫະກຳດຽວກັນ, ໂດຍສຸມໃສ່ຜະລິດຕະພັນທີ່ກ່ຽວຂ້ອງກັບການທ່ອງທ່ຽວໃນຂົງເຂດອາຊຽນ. ນີ້ຈະເປັນບູດການທ່ອງທ່ຽວລາວແບບພິເສດເຊິ່ງຈະບໍ່ເສຍຄ່າທໍານຽມສໍາລັບຄູ່ຮ່ວມງານຂອງພວກເຮົາ. DiscoverLaosToday ຂໍເຊີນຊວນບັນດາບໍລິສັດທ່ອງທ່ຽວເພີ່ມຕື່ມອີກ 4 ບໍລິສັດ (ສູງສຸດ 2 ຄົນຕໍ່ບໍລິສັດ) ເພື່ອເຂົ້າຮ່ວມບູດຂອງພວກເຮົາເພື່ອນຳສະເໜີຜະລິດຕະພັນທີ່ແປເປັນພາສາຈີນແລ້ວຂອງພວກທ່ານໃຫ້ຜູ້ບໍລິໂພກຈາກປະເທດຈີນ.

DiscoverLaosToday ໄດ້ກໍາລັງແປເວັບໄຊທ໌ຂອງພວກເຮົາເປັນພາສາຈີນ ແລະ ວາງແຜນຈະເປີດຕົວ ກ່ອນທີ່ຈະໄປງານວາງສະແດງສິນຄ້ານີ້ ແລະ ສະແດງຈຸດເດັ່ນຂອງປະເທດລາວ ແລະ ແຕ່ລະແຂວງ. ເວັບໄຊທ໌ DiscoverLaosToday ຈະສະແດງຜະລິດຕະພັນໂຮງແຮມ, ກິດຈະກໍາທົວຕ່າງໆ, ອາຫານ ແລະ ເຄື່ອງດື່ມທີ່ເໝາະສົມກັບຕະຫຼາດຈີນ. ພວກເຮົາຂໍຊຸກຍູ້ທຸລະກິດໃນຂະແໜງການທ່ອງທ່ຽວໃຫ້ກຽມພ້ອມສຳລັບກຸ່ມຄົນໃນຕະຫຼາດນີ້ ໂດຍທ່ານຕ້ອງໝັ້ນໃຈວ່າ ທ່ານມີສື່ການຕະຫຼາດ ແລະຜະລິດຕະພັນທີ່່ທ່ານມີຢູ່ສາມາດເປີດໃຫ້ຜູ້ບໍລິໂພກຈາກປະເທດຈີນເຂົ້າເຖິງໄດ້ງ່າຍ.

ຂໍ້ມູນເພີ່ມເຕີມກ່ຽວກັບງານ China-Asean Tourism Fair in Guangxi, ກະລຸນາຕິດຕໍ່ +8562095285811

ໂຄງການທີ 5: OTAs ພາຍໃນປະເທດແບບໃໝ່ / ແນວຄວາມຄິດເວບໄຊທ໌ຈອງໂດຍກົງເພື່ອທົດແທນຮູບແບບທຸລະກິດກ່ອນໜ້າ COVID19 ທີ່ອີງໃສ່ກົດລະບຽບ ແລະ ຄຳແນະນຳໃໝ່ ຂອງການຄ້າຍຸດຕິທຳທາງອິນເຕີເນັດ ຫລື ຄຳແນະນຳ ຂ້າງເທິງ.

ຈຸດປະສົງຂອງພວກເຮົາແມ່ນເພື່ອພັດທະນາເວັບໄຊພາຍໃນປະເທດລາວທີ່ທ້າທາຍເວັບໄຊສາກົນ. ໂດຍໄດ້ຮັບການສະໜັບສະໜູນຈາກນັກທຸລະກິດລາວ ແລະນະໂຍບາຍຂອງລັດຖະບານ, ພວກເຮົາສາມາດສ້າງເເພດຟອມທີ່ເປັນທາງເລືອກເພື່ອໃຫ້ຜູ້ປະກອບການໂຮງແຮມລາວທຸກຄົນຂາຍຜະລິດຕະພັນຂອງພວກເຂົາໃນເເພດຟອມນີ້ທີ່ເປັນເອກະພາບ ພ້ອມດ້ວຍຍຸດທະສາດໃໝ່ໆເພື່ອຕ້ານການປະພຶດທີ່ບໍ່ຖືກຕ້ອງຂອງ OTAs ສາກົນ.

ສິ່ງນີ້ຈະສ້າງວຽກເຮັດງານທຳໃໝ່ໃນປະເທດລາວໂດຍອັດຕະໂນມັດ ແລະ ເພີ່ມການເກັບພາສີຂອງລັດຖະບານລາວໂດຍການຫຼຸດຜ່ອນການຮົ່ວໄຫລຂອງລາຍຮັບເນື່ອງຈາກການຈ່າຍເງີນຜ່ານການຈອງອອນລາຍຖືກໂອນໄປຕ່າງປະເທດ.